ჰოლივუდში აშშ-ს ისტორიაში საუკეთესო სნაიპრეზე ფილმს გადაიღებენ

სტივენ სპილბერგის შემდეგი ფილმი სახელად "ამერიკელი სნაიპერი", საუკეთესო ამერიკელი სნაიპერის - კრის კაილის, იგივე "ზღვის კატის" ავტობიოგრაფიის ეკრანიზაცია იქნება. ამის თაობაზე ინფორმაციას ავრცელებს გამოცემა "The Hollywood Reporter"-ი.
კაილის წიგნი 18 კვირის მანძილზე "The New York Times"-ის ბესტსელერების სიაში იყო. კრიტიკოსები სნაიპერს გულახდილობის გამო აქებდნენ კიდეც. კაილმა, ომის დროს 160 ადამიანი მოკლა. თავად 2013 წლის თებერვალში დაიღუპა. იგი ფსიქიკურად გაუწონასწორებელმა ვეტერანმა, ედი რუთმა მოკლა, კაილი მასთან ერთად სასროლეთში იყო წასული.
კაილის როლს შეასრულებს ბრედლი კუპერი. კუპერის კომპანიამ "22nd & Indiana Pictures"-მა შეიძინა უფლება სნაიპერის ავტობიოგრაფიის ეკრანიზაციაზე ჯერ კიდევ ერთი წლის წინ. ადრე ფილმის რეჟისორად განიხილავდნენ დევიდ ო'რასელს, რომელთანაც ეხლა კუპერი მუშაობს ერთ-ერთ ფილმზე, რომელიც ეხება FBI-ოს მიერ ჩატარებულ ანტიკორუფციულ კამპანიას 1970-80-იან წლებში.
"ამერიკელ სნაიპერზე" ერთდროულად იმუშავებენ კინოსტუდიები: "Warner Bros." და "DreamWorks". ფილმის გადაღებები დაიწყება 2014 წლის პირველი კვარტლიდან.