კეტრინ ზეტა ჯონსი ფსიქიატრიულ კლინიკაში მოხვდა

ჰოლივუდის ცნობილი ვარსკვლავი კეტრინ ზეტა ჯონსი ფსიქიატრიულ კლინიკაში, ფსიქიკის ბიპოლარული აშლილობის სამკურნალო, სპეციალური კურსის გასავლელად დაწვა. როგორც გამოცემა 'Associated Press'-ის პრეს-მდივანმა სარა ფულერმა განაცხადა, მსახიობი სარეაბილიტაციო ცენტრში მინიმუმ 30 დღეს გაატარებს.
შეგახსენებთ, რომ 2011 წლის აპრილში კეტრინი უკვე გადიოდა იგივე მკურნალობის კურსს. მაშინ მისი მდგომარეობის გამომწვევი მიზეზი იყო მეუღლის, მაიკლ დუგლასის ჯანმრთელობის მდგომარეობა, იგი კიბოთი იყო ავად. როგორც წესი, ბიპოლარული აშლილობის ან მანიაკალურ-დეპრესიული ფსიქოზის ნიშნები გამოიხატება ხასიათის მკვეთრ ცვლილებაში. ჩვეულებრივ ეს დაავადება იკურნება მედიკამენტოზური ან ფსიქოთერაპიული მკურნალობით. ვრცელდებოდა ინფორმაცია, რომ ბრიტანელი მსახიობი, კეტრინ ზეტა ჯონსი აპირებს თავის ავადმყოფობაზე ფილმის გადაღებას. მსახიობი გახდება ნერვულ აშლილობაზე გადაღებული დოკუმენტური ფილმის რეჟისორი.