კომპანია Warner Bros-მა ”ტარზანის” გადაღება გადადო

კომპანია Warner Bros-მა ”ტარზანის” გადაღება გადადო - იუწყება გამოცემა Deadline-ი სანდო წყაროზე დაყრდნობით.
სავარაუდოდ, პროდუსერებმა სტუდიასთან ბიუჯეტის შეთანხმება ვერ შეძლეს. კონკრეტულად რა თანხა იყო საჭირო ”ტარზანის” ახალი სერიისთვის უცნობია.
გადაღებების გადადების მიზეზი შესაძებელია ასევე იყოს მსახიობთა შერჩევის პროცესის გაჭიანურება. ფილმის შემქმნელებს ერთ-ერთ მთავარ როლზე ჯეიმს ფოქსის დამტკიცება უნდოდათ, თუმცა მასთან შეთანხმებას ვერ მიაღწიეს.
ფილმის გადაღებები უნდა დაწყებულიყო 2013 წელს. Warner Bros.-სი გადაღებების განახლებას 2014 წლიდან ვარაუდობს. ფილმის დამდგმელი რეჟისორი იქნება დევიდ იეტსი, რომელიც ჰარი პოტერის ოთხივე ნაწილის რეჟისორიცაა.
ახალ ”ტარზანში” მთავარ როლს შეასრულებს ალექსანდრ სკარსგარდი. 2013 წლის მარტში, პრესაში გავრცელდა ინფორმაცია, რომ ტარზანის შეყვარებულის, ჯეინის როლს სთავაზობენ ჯესიკა ჩესტეინს. ასევე საუბარი იყო სემუელ ელ-ჯექსონისთვის გაკეთებულ შეთავაზებაზეც, თუმცა აღსანიშნავია, რომ მის შესახებ Deadline-ის სტატიაში არაფერი წერია.
შესაძლებელია, რომ ის და ჯეიმი ფოქსი ერთი და იგივე როლზე განიხილებოდნენ.