მულტფილმს - ”ნემოს ძიებაში' სათაურს შეუცვლიან

კინოსტუდია ”Pixar Animation”-მა დააანონსა მულტფილმის ”ნემოს ძიებაში” ახალი სათაური. ოფიციალური პრეს-რელიზით ცნობილი გახდა, რომ ახალი პროექტის სათაური იქნება - ”დორის ძიებაში” და მისი პრემიერა შედგება 2015 წლის 25 ნოემბერს.
მთავარ გმირებს გაახმოვანებენ ალბერტ ბრუკსი და ელენ დეჯენერესი. პროექტის რეჟისორი უცლელი რჩება და კვლავ ენდრიუ სტენტონი იქნება.
მაყურებლისთვის კარგად ნაცნობ პერსონაჟებთან ერთად, მულტფილმში გამოჩნდებიან ახლებიც, რომლებსაც დორის წარსულთან ექნებათ შეხება.
შეგახსენებთ, რომ მულტფილმი - ”ნემოს ძიებაში” ეკრანებზე გამოვიდა 2003 წელს. მისი ბიუჯეტი იყო 94 მლნ. აშშ დოლარი, ხოლო მულტფილმის საერთო შემოსავალმა 900 მლნ. აშშ დოლარს გადააჭარბა.