”ძვლების ქალაქი”

ყურადღების ცენტრში მოექცნენ ფილმის მთავარი როლის შემსრულებელი მსახიობები - ლილი კოლინზი და ჯეიმი ქემპბელ ბაუერი. სიუჟეტის მიხედვით, უბრალო გოგონა კლერი ვერც კი ეჭვობს, რომ ძველი მეომრების საიდუმლო ოჯახს მიეკუთვნება, რომლებიც სამყაროს ბოროტებისაგან იცავდნენ. გოგონას ცხოვრება კარდინალურად იცლება მას შემდეგ, რაც ის მონადირეს, მშვენიერ ყმაწვილს გაიცნობს. ფილმში კლერის დედა გაუჩინარდება და გოგონა ცდილობს გამოიყენოს, თავისი ახლადაღმოჩენილი შესაძლებლობები დედის გადასარჩენად. ფილმის შემქმნელები მაყურებელს სასიყვარულო სამკუთხედსაც პირდებიან.
ფილმში ასევე მონაწილეობას იღებენ მსახიობები: ლინა ჰიდი, ჯონათან რის-მაიერსი, რობერტ შიენი და ეიდან ტერნერი. ”სპეცეფექტები და კომპიუტერული გრაფიკა გასაოცარი იქნება, მაგრამ ფილმი არ ეფუძნება მხოლოდ ამას. ჩვენ ნამდვილად შევქმენით ფილმი ადამიანურ ემოციებსა და ხასიათზე. მე ძალიან მომეწონა ამ ფილმში თამაში და მინდა კლერის როლი შევასრულო ისევ და ისევ” - განაცხადა კოლინზმა ერთ-ერთ ინტერვიუში.
ამერიკულ კინოგაქირავებაში ფილმი გამოვა 23 აგვისტოდან.
საინტერესოა შეძლებს თუ არა ”ძვლების ქალაქი” მოიპოვოს ისეთივე წარმატება, როგორიც მოიპოვა ფილმებმა ”ბინდი” და ”შიმშილის თამაშები”.