“ცუდი ბიჭები 3” ეკრანებზე 2018 წელს გამოვა!

უილ სმიტს და მარტინ ლოურენსს “ცუდი ბიჭების” მესამე ფილმში გადაიღებენ. Sony 2009 წლიდან ცდილობს ფილმის წარმოებაში ჩაშვებას, მაგრამ გადაღებები არა და არ დაიწყო. ახლა კი პროცესი ადგილიდან დაიძრა, მიიღო სახელწოდება “ცუდი ბიჭები სამუდამოდ” (Bad Boys for Life) და გამოსვლის თარიღი: 2018 წლის 12 იანვარი. აქამდე ითვლებოდა, რომ ტრილერი 2017 წლის ზაფხულში გამოვიდოდა ეკრანებზე, მაგრამ კინოსტუდია ვერაფრით ვერ ასწრებს ასეთ მოკლე დროში ფილმის გადაღებას.

2015 წლის თებერვალში გახდა ცნობილი, რომ კო კარნახანი, რომელიც აქამდე ფილმის სცენარისტად იყო დამტკიცებული, დაიკავებდა სარეჟისორო სავარძელს. ახლა რთული დასაჯერებელია, მაგრამ ცუდი ბიჭები, რომელიც ეკრანებზე 1995 წელს გამოვიდა, მაიკლ ბეიმ მხოლოდ 19 მილიონ დოლარად გადაიღო. ტრანსფორმერების მომავალი რეჟისორისთვის, ეს სადებიუტო პროექტი იყო. მთლიანობაში ფილმმა $141 მილიონი მოგება მოიტანა. უილ სმიტისა და მარტინ ლოურენსის მონაწილეობით გამოსული “ცუდი ბიჭები” მაყურებლის საყვარელ პროექტად იქცა, ამიტომ 2003 წელს მისი გაგრძელება ცუდი ბიჭები 2 გამოვიდა ეკრანებზე. პროექტი საკმაოდ ძვირი, 130 მილიონი დოლარი დაჯდა. დამატებით $40 მილიონი მარკეტინგზე დაიხარა, მოგებამ კი $273 მილიონი შეადგინა.