ახალი კინოჰიტი: ბენედიქტ კამბერბეტჩი მარტოსული მონადირის როლში!

მაკბეტი და მკვლელის კრედო სცენარისტი მაიკლ ლესლი ჯეფრი ჰაუსჰოლდის რომანის “მარტოსული მგლის” ადაპტირებას მოახდენს და მასში მთავარ როლს ბენედიქტ კამბერბეტჩი შეასრულებს. ჰაუსჰოლდის წიგნის მიხედვით უკვე გადაღებულია ფილმი ფრიც ლანგის ავტორობით. ბოლოს “მარტოსული მგლის” ეკრანიზაცია 1977 წელს გადაიღეს დიდ ბრიტანეთში, მაგრამ ეს სატელევიზიო ფილმი იყო. მასში მთავარ როლს პიტერ ო’ტული ასრულებდა.

ფილმის პროტაგონისტი უსახელო ბრიტანელი მონადიერეა, რომელიც 1938 წელს ერთ-ერთი ევროპელი დიქტატორის თვალთვალს გადაწყვეტს. დიქტატორის მოკვლას კაცი არ აპირებს, თუმცა მას საიდუმლო პოლიცია დაიჭერს, აწამებს და სასიკვდილოდ განწირულს კლდიდან გადააგდებს. გმირი სასწაულით გადარჩება და თავის მწამებლებზე შურისძიებას იწყებს და ახლა უკვე ნამდვილ თავდასხმასაც გეგმავს დიქტატორზე. ჰაუსჰოლდს არაერთხელ უთქვამს, რომ მისი გმირის პროტოტიპი ჰიტლერი იყო, მაგრამ მისი სახელი არც ერთხელ არ უხსენებია რომანში. “მე მინდოდა მკითხველს თავად გადაეწყვიტა, ვის დაინახავდა ამ გმირში, – ჰიტლერს, თუ სტალინს”, – ამბობდა მწერალი.

ბენედიქტ კამბერბეტჩი არა მხოლოდ პროტაგონისტს შეასრულებს ახალ ეკრანიზაციაში, არამედ სურათის პროდუსერიც იქნება. “როგორც მსახიობი და პროდუსერი, ძალიან გახარებული ვარ შესაძლებლობით, გადავიტანო ერთ-ერთი ფასეული ბრიტანული რომანი ეკრანზე”, – განაცხადა მსახიობმა.