რატომ სჭირდება ‘Wonder Woman’-ს ქალი რეჟისორი?

ბევრი ფიქრი არ სჭირდება იმას, თუ რატომ უნდა გადაიღოს “Wonder Woman” ქალმა რეჟისორმა. ბევრი აღნიშნავს, რომ ზოგადად ჰოლივუდში ქალი რეჟისორების ნაკლებობაა, მაგრამ ცალკეულად “Wonder Woman”-სთვის “მნიშვნელოვანია” ქალმა მართოს საჭე – ამბობს მთავარი როლის შემსრულებელი გალ გადოტი. Entertainment Weekly-სთან ინტერვიუში გადოტმა თავის გამოცდილებაზე ისაუბრა რეჟისორ პეტი ჯენკინსთან, რომელიც ფილმს იღებს.

“ჩემს ცხოვრებაში მე მიმუშავია კაც რეჟისორებთან და ეს ძალიან მომწონდა. იღბლიანი ვარ, რადგან ვმუშაობდი მამაკაცებთან, რომლებიც ქალებს პატივს სცემდნენ. მაგრამ ქალთან მუშაობა განსხვავებული გამოცდილებაა. ეს არის განსხვავებული კომუნიკაციის ფორმა. ჩვენ ვლაპარაკობთ ემოციებზე. პეტისთან ეს არის მნიშვნელოვანი, რომ ჩვენ თვალებით ვამყარებთ კომუნიკაციას. მას არ სჭირდება ლაპარაკი. თუ მე მტკივა, ისიც გრძნობს ტკივილს. სრულიად განსხვავებული ურთიერთობა მაქვს მასთან. ის საოცარია, ნათელი და მკვეთრი. მან ზუსტად იცის, როგორი უნდა იყოს “Wonder Woman”. ეს ამბავი გოგოზეა, რომელიც ქალი ხდება. მე ვფიქრობ მხოლოდ ქალი, რომელიც იყო გოგო შეძლებს სწორად ამ ამბის მოყოლას”.

გულშემატკივრები “Wonder Woman”-ის შესახებ მეტ დეტალს ამ თვის ბოლოს გაიგებენ. ფილმის პრემიერა კი 2017 წლის ივნისში იგეგმება.