დათანხმდება თუ არა კოლინ ფარელი სოფია კოპოლას შეთავაზებას?
კოლინ ფარელსა და სოფია კოპოლას შორის მოლაპარაკებები მიმდინარეობს კლინტ ისტვუდის რიმეიქის მოტყუებული გადაღებებთან დაკავშირებით. უკვე ცნობილია, რომ სამოქალაქო ომის დრამაში ნიკოლ კიდმანი, კირსტენ დანსტი და ელ ფენინგი ითამაშებენ. სოფია კოპოლა კი თავადაა ფილმის რეჟისორიც და სცენარის ავტორიც. ფილმის ორიგინალი დონ სიგელის მიერ არის გადაღებული ტომას კალინანის რომანზე დაყრდნობით და მოგვითხრობს იანკების ჯარისკაცზე, რომელსაც სამხრეთელი გოგონები იპოვიან დაჭრილს აშშ-ს სამოქალაქო ომის დროს. მას შემდეგ, რაც ჯარისკაცი ომს გაუმკლავდა, ახლა ახალგაზრდა ქალების გულებს უნდა შეებრძოლოს. თუ ფარელი როლზე დაამტკიცეს, ის იმ როლს შეასრულებს, რომელსაც ფილმის ორიგინალში კლინგ ისტვუდი თამაშობს. როდის დაიწყება ფილმის წარმოებაში ჩაშვება, ჯერ-ჯერობით უცნობია. კოლინ ფარელს კი საუკეთესო წელი ჰქონდა კარიერული განვითარების თვალსაზრისით. წელს მან ფილმში ლობსტერი ითამაშა და ენტონი ჰოფკინსსაც გაუწია პარტნიორობა ფილმში ნუგეში. წლის ბოლოს კი შეიძლება ჰარი პოტერის სფინ-ოფში “ფანტასტიკური მხეცები” ითამაშოს მთავარი როლი.