ფორსაჟი 8 – ცხელი ვიდეო გადასაღები მოედნიდან !

დროა თქვენი მანქანის ძრავები აამუშაოთ, რადგან ფორსაჟი 7 8 – ის გადაღებები ოფიციალურად დაწყებულია ! სოციალურ მედიაში ინფორმაცია ამის შესახებ რამდენიმე საათის წინ დაიდო ვიდეოს სახით. შეგახსენებთ, რომ გადაღებების ლოკაცია ამჟამად კუბაა.

იხილეთ ვიდეო > [url=httpss://t.co/0aneIVMhJm]ვიდეოს ნახვა[/url]

საკმაოდ ეგზოტიკური ადგილმდებარეობიდან გამომდინარე, ძალიან ექსტრემალურ და მძაფრსიუჟეტიან კადრებს უნდა ველოდოთ. დაბრუნდება ადრენალინი, ქუჩის რბოლა და უმშვენიერესი გოგონები ბიკინებში. როგორც ვინ დიზელი საუბრობს ვიდეოში, კუბა არის ადგილი, სადაც ტორეტოს თავგადასავალი დაიწყო. ნიშნავს თუ არა ეს იმას, რომ ფრანჩაიზის უკანასკნელი ტრილოგია ტორეტოს ოჯახის წარმომავლობის შესახებ იქნება?

იხილეთ მეორე ვიდეო > [url=httpss://www.instagram.com/p/BEujWQehPLO/]ვიდეოს ნახვა[/url]

ერთადერთი, რაც ამჟამად სცენარის შესახებ ვიცით არის ის, რომ დომის ოჯახი დაუპირისპირდება შარლის ტერონის გმირს, რომელიც ბოროტმოქმედად მოგვევლინება ფრანჩაიზში. გარდა ამისა, შეგახსენებთ რომ ქასთს შეუერთდა სკოტ ისტვუდი, რომელსაც ლურჯი თვალებისა და ქერა თმის გამო პოლ უოქერის შემცვლელად მოისაზრებენ, თუმცა – COME ON ! პოლის ჩანაცვლება შეუძლებელია. ერთადერთი, რაც რეჟისორებს შეუძლიათ მისი დანაკლისის რამენაირად შევსებაა. პოლ უოქერი სხვა ქასთის წევრებთან ერთად იყო და დარჩება ფორსაჟის სავიზიტო ბარათად.