,,ვარსკვლავური გზა” – პირველი შოკისმომგვრელი ტრეილერი !

ეს კვირა ფილმის მოყვარულთათვის ნამდვილად შთამბეჭდავი გამოდგა, რადგან უამრავი ახალი შოუს თიზერები თუ ტრეილერები იხილეს. ამ მხრივ, უკმაყოფილო არც ,,ვარსკვლავური გზის” მაყურებელი დარჩენილა, რადგან რამდენიმე საათის წინ ფილმის შემქმნელებმა პირველი შოკისმომგვრელი ტრეილერი გაავრცელეს. თავად შეაფასეთ.



კინოპროდუქტის მესამე ნაწილი „Star Trek Beyond“-ის სახელით არის ცნობილი, ხოლო მისი რეჟისორი „ფორსაჟის“ ფილმების შექმნით განთქმული ჯასტინ ლინი გახლავთ. „ვარსკვლავური გზის“ მესამე ნაწილში მონაწილეობას კვლავ მიიღებენ ზაქარი კუინტო, კრის პაინი, კარლ ურბანი, ზოი სალდანა, იდრის ელბა, საიმონ პეგი და სხვა ცნობილი მსახიობები. შეგახსენებთ, რომ უკანასკნელი სურათი „ვარსკვლავური გზა:სიბნელეში“ 2013 წელს გამოვიდა და 190 მილიონ დოლარიანი ბიუჯეტით 467 მილიონი დოლარი გამოიმუშავა. მესამე ნაწილს კი მაყურებელი კინოეკრანებზე 2016 წლის 22 ივლისს იხილავს.