,ბეტმენი სუპერმენის წინააღმდეგ: სამართლიანობის განთიადი’ – ახალი ტრეილერი
ცოტა ხნის წინ გავრცელდა ფილმის ,ბეტმენი სუპერმენის წინააღმდეგ: სამართლიანობის განთიადი’ ახალი ტრეილერი, რომელშიც საკმაოდ ძლიერი მომენტია ასახული. შეგიძლიათ თავად შეაფასოთ.
როგორც ტრეილერშია ნაჩვენები, ბეტმენი იმყოფება სუპერმენის ტყვეობაში, რომელიც ბეტმენს მასკას ხსნის და ჩვენ ვხედავთ აფლეკის განრისხებულ სახეს. კლიპი ნამდვილად დამაიმედებელია, რაც იმას ნიშნავს, რომ ფილმისგან ბევრს უნდა ველოდოთ. ბეტმენისა და სუპერმენის ურთიერთდაპირისპირება არ იქნება ერთადერთი მთავარი ინტრიგა. გამოჩნდება ახალი საფრთხე, რომელიც კაცობრიობას მანამდე არსებულ ყველა საფრთხეზე მეტად დაემუქრება. შეგახსენებთ, რომ ფილმის პრემიერა მსოფლიოს მასშტაბით 2016 წლის 25 მარტს შედგება. ბეტმენის როლს ბენ აფლეკი შეასრულებს. მეტროპოლისის ჩემპიონის, სუპერმენის როლს – ჰენრი კავილი, გალ გადოტი კი ქალ-საოცრებად მოგვევლინება. ფილმში ემი ადამსს, ლორენ ფიშბარნს, დაიენ ლეინს და ჯერემი აირონსსაც ვიხილავთ.