დიდი გამყინვარება 5 - სახალისო ტრეილერი

ვერ მოახერხეთ გასულ კვირას სკრატის ახალი მოკლემეტრაჟიანი ვიდეო რგოლის ნახვა? არაუშავს, Blue Sky Studios-მა და 20th Century Fox-მა მთლიანი „კოსმიური სკრატ-ასტროფის“ ვიდეო რგოლი გამოუშვეს უკვე, სადაც დიდი გამყინვარების ახალი ფილმის პერსონაჟი სკრატის ახალი თავგადასავალია ნაჩვენები. მისი ისტორიები ყოველთვის სახალისო და საინტერესოა და ამჯერად იგი დიდი აფეთქების თავისეულ ვერსიას გვთავაზობს. მოკლემეტრაჟიანი რგოლი სიუჟეტურად დიდი გამყინვარების მეხუთე ფილმს უძღვის წინ და იგი The Peanuts Movie-სთან ერთად აჩვენეს კინოთეატრებმა. PHJAM4QyurVxNP_1_lსკრატი თავის „კოსმიურ სკრატ-ასტროფაში“ მიდის იქ სადაც ჯერ არცერთი სხვა პერსონაჟი არ წასულა. სკრატს სანუკვარი რკოს მოპოვების სურვილი კოსმოსში აღმოაჩენს, სადაც იგი შემთხვევით ისეთ ქმედებებს ჩაიდენს რაც დედამიწაზე გამყინვარების პერიოდის პლანეტას საფრთხეს შეუქმნის. თავის გადასარჩენად სიდი, მენი, დიეგო და დანარჩენი გმირები იძულებულნი არიან დატოვონ საცხოვრებელი ადგილი და გაეშურონ თავგადასავლებით სავსე მოგზაურობაში. გზად ისინი ეგზოტიკურ ადგილებს მოივლიან და ბევრ ახალ გმირს შეხვდებიან. დიდი გამყინვარების ახალი ფილმი 2016 წლის 22 ივლისს გამოვა კინოთეატრებში. ზოგიერთი მსახიობი წინა ფილმებიდან კვლავ დაბრუნდება, მაგალითად რეი რომანო, დენის ლეარი, ჯონ ლეგიზამო, ქვინ ლატიფა, შონ უილიამ სკოტი, ჯოშ პეკი, საიმონ პეგი, კეკე პალმერი, ვანდა საიკსი და ჯენიფერ ლოპესი. ამ შესანიშნავ გუნდს კი შეუერთდებიან სტეფანი ბეატრისი, ადამ დევინი, ჯესი ტაილერ ფერგიუსონი, მაქს გრინფილდი, ჯესი ჯეი, ნიკ ოფერმანი, მელისა რაუჩი, მაიკლ სტრეჰენი და ნილ დეგრას ტაისონი. ამ მოკლემეტრაჟიანი რგოლის გამოსვლასთან ერთად იმედი გვაქვს რომ ახალი ფილმის თრეილერიც მალე გამოვა. ვიდეო რგოლის გარდა ჩვენახლა უკვე პოსტერებიც გვაქვს, რომელიც ფილმი „მარსელის“ გაშარჟებულ ვარიანტს წარმოადგენს.PHPFrHwPN47jTQ_1_l ჩვენ კიდევ 9 თვე უნდა ველოდოთ ახალ ფილმს, რომელიც უდავოდ 2016 წლის ზაფხულის ჰიტი იქნება. პირველი დიდი გამყინვარების ფილმი 2002 წელს გამოვიდა და მხოლოდ ამერიკაში 176.3 მილიონი დოლარი მოგება ნახა, ხოლო მთელი მსოფლიოს მასშტაბით კი 383 მილიონი. მას შემდეგ სამი სიქუელი მოჰყვა, რომლებმაც კიდევ 700 მილიონი დოლარი მოგება მოუტანა ფილმს. ახალ ფილმს დიდი კონკურენცია ელის, რადგანაც სწორედ იმავე დღეს იქნება Star Trek Beyond-ისა და Knights of the Round Table-ის პრემიერებიც, ეს ორი ფილმი კი სავარაუდოდ დიდი რაოდენობის მნახველს მიიზიდავს. მაგრამ სკრატს არ ეშინია კირკის, სპოკისა და მეფე არტურის. უყურეთ თუ როგორ ცდილობს პრეისტორიული სკრატი სანუკვარი რკოს შენარჩუნებას.