HBO-მ „სამეფო კარის თამაშების“ ოთხი გმირის სიკვდილი დაადასტურა

ტელეარხმა HBO-მ გამოსაცემად სერიალ „სამეფო კარის თამაშების“ ახალი ცნობარი მოამზადა, რომელშიც სერიალის ოთხი გმირის – ჯონ სნოუს, სტანისის, მირცელა ბარათეონის და ფარიკაობის მასწავლებელის, სირიო ფორელის სიკვდილი დასტურდება. ცნობარი – „სამეფო კარის თამაშები: ვესტეროსის კეთილშობილი ოჯახები. სეზონები 1-5“, გამომცემლობა Running Press-ის დახმარებით მომზადდა. მასში მოთხრობილია სერიალში ასახულ მთავარ დინასტიებზე. გარდა ამისა, წიგნში პირველი ხუთი სეზონის ყველა პერსონაჟის ბიოგრაფიაა მოყვანილი. გამოცემა აშშ-ს წიგნის მაღაზიების თაროებზე დეკემბრის დასაწყისში გამოჩნდება. სერიალის თაყვანისმცემლები ზოგიერთი გმირის სიკვდილს აქტიურად განიხილავენ, მაგალითად საკამათოდ ეჩვენებათ ჯონ სნოუს სიკვდილი. სერიალის ზოგიერთ ფანს დღემდე იმედი აქვს, რომ პერსონაჟი მეექვსე სეზონში გამოჩნდება.