"ბეტმენი სუპერმენის წინააღმდეგ" - ახალ ტრეილერს მალე ვიხილავთ!

ჟურნალისტებმა ფილმის რეჟისორის, ზაკ სნაიდერისაგან შეიტყვეს, რომ ახალი ტრეილერი მალე გახდება ხელმისაწვდომი. გარდა ამისა, ზაკმა ისაუბრა ფილმის იდეის დამუშავების შესახებაც: „ჩვენ ვმუშაობთ სამართლიანობის ლიგის შესახებ. გვინდა შევქმნათ ისეთი სამყარო, სადაც ისინი ერთად იარსებებენ. ეს არცთუ ისე მარტივია, თუმცა საინტერესო იქნება მათი ინდივიდუალური ამბები ფილმის სიუჟეტის ფარგლებში“. სნაიდერმა ახალ ბეტმობილზეც თქვა ორიოდე სიტყვა. ბეტმობილი აღჭურვილი იქნება “countermeasure” სისტემით, რომელიც თავიდან აირიდებს რაკეტების მოხვედრას და მათ გააუვნებელყოფს, ვიდრე მანქანამდე მიაღწევენ. სნაიდერმა გაამხილა ფილმში საკუთარი კამეოს არსებობის შესახებაც. ფილმის სიუჟეტს რაც შეეხება, ბეტმენისა და სუპერმენის ურთიერთდაპირისპირება არ იქნება ერთადერთი მთავარი ინტრიგა. გამოჩნდება ახალი საფრთხე, რომელიც კაცობრიობას მანამდე არსებულ ყველა საფრთხეზე მეტად დაემუქრება. შეგახსენებთ, რომ ფილმის პრემიერა მსოფლიოს მასშტაბით 2016 წლის 25 მარტს შედგება. ბეტმენის როლს ბენ აფლეკი შეასრულებს, მეტროპოლისის ჩემპიონის, სუპერმენის როლს – ჰენრი კავილი, გალ გადოტი კი ქალ-საოცრებად მოგვევლინება. ფილმში ემი ადამსს, ლორენ ფიშბარნს, დაიენ ლეინს და ჯერემი აირონსსაც ვიხილავთ.