"ბეტმენი სუპერმენის წინააღმდეგ" ჰოლივუდის ყველაზე მაღალ ბიუჯეტიანი ფილმი იქნება

“ბეტმენი სუპერმენის წინააღმდეგ” ჰოლივუდის ყველაზე მაღალბიუჯეტიანი ფილმი იქნება!ბეტმენი და სუპერმენი ის კინო გმირები არიან, რომელთა მეშვეობითაც DC და Warner Bros. ახერხებენ კონკურენცია გაუწიონ მარველის კომიქსების ზღვარგადასულ პოპულარობას კინოსამყაროში. აქედან გამომდინარე, სტუდიები არ ერიდებიან კოლოსალური თანხები ჩადონ ახალ პროექტებში. Latino Review-ს მტკიცებით, ფილმის „ბეტმენი სუპერმენის წინააღმდეგ: სამართლიანობის განთიადი“ ბიუჯეტი 410 მილიონ დოლარს მიაღწევს. აქამდე ყველაზე ძვირადღირებულ ფილმად დისნეის „კარიბის ზღვის მეკობრეები: უცხო ნაპირებთან“ ითვლებოდა. ეს სიახლე, პრესაში ორი კვირის წინ გავრცელებულ ამბავს მოჰყვა, რომლის მიხედვითაც მარველის „შურისმაძიებლების“ ახალი პროექტი შესაძლოა ერთ მილიარდ დოლარამდე დამჯდარიყო. მიუხედავად იმისა, რომ ეს უკანასკნელი თანხა საკმაოდ გაბერილად მოჩანს, DC-ის და Warner bros.-ის ახალი პროექტისთვის სრულიადაც არ უნდა იყოს გადამეტებული 410 მილიონი დოლარი, თუ გავითვალისწინებთ სამსახიობო ქასთს, სადაც საკმაოდ მაღალანაზღაურებადი მსახიობები შედიან, გადაღებების ხანგრძლივობას და იმ ვიზუალური ეფექტების სირთულეს, რომელიც ფილმში იქნება გამოყენებული. „ბეტმენი სუპერმენის წინააღმდეგ: სამართლიანობის განთიადი“ კინოთეატრებში 2016 წლის 25 მარტს გამოვა.