Game of Thrones სრულმეტრაჟიან ფილმად გადაიქცევა

სულ ცოტა ხნის წინ ინტერვიუში “ყინულისა და ცეცხლის სიმღერის” ავტორმა, ჯორჯ მარტინმა გაავრცელა ინფორმაცია, რომ სერიალის გარდა მის ნაწარმოებზე სრულმეტრაჟიანი ფილმის გადაღებაც იგეგმება. თუმცა თავად მარტინი პროცესში ჩართული არ იქნება. მისი თქმით, ყველაფერი HBO-ს, დევიდ ბენიოფის და სერიალის სხვა შემქმნელების ხელშია, თავად მარტინს კი ბევრი საქმე აქვს – მთელი ორი წიგნი აქვს დასამთავრებელი. ყველაზე საინტერესო, რაც მარტინმა აღნიშნული ფილმის შესახებ გაამხილა, ისაა, რომ მასში ბევრი ფლეშბექი იქნება და ფოკუსი გაკეთდება წიგნის იმ ნაწილებზე, რომელიც სერიალში დროის უქონლობის გამო გამოტოვეს. ეს ასევე თეორიულ შანსს იძლევა ფანების ფავორიტი პერსონაჟების დასაბრუნებლად, რომელთაც დროზე ადრე დაგვტოვეს. თუმცა აღსანიშნავია, რომ მოგვიანებით თავის ბლოგზე მარტინმა საწინააღმდეგო განცხადება გააკეთა, რომელშიც ნათქვამი იყო, რომ ამ ეტაპზე არანაირ ფილმზე მუშაობა არ მიმდინარეობს, მაგრამ თავისი სიტყვები უკან ცალსახად არ წაუღია – ნუთუ HBO-ს ბოსებმა მწერალი გრძელი ენის გამო დატუქსეს?!