ჯენიფერ ლოურენსი და კრის პრეტი “მგზავრები” -ის გადაღებებზე

ჯენიფერ ლოურენსის ბოლო გადაღებული ფილმი “შიმშილის თამაშები” კინოთეატრების ეკრანებზე ჯერ არ გამოსულა, ამის მიუხედავად მსახიობი შემდეგი პროექტის გადაღებებზე მუშაობას შეუდგა. ფილმს ჰქვია “მგზავრები” სადაც ჯენიფერთან ერთად თამაშობს “იურიული პერიოდის სამყარო” -ს გმირი კრის პრეტი. ახალი ფილმისთვის ლოურენსმა შეიცვალა იმიჯი და წარმოგვიდგა ქერათმიანი ლამაზმანის სახით, ხოლო კრის პრეტის იმიჯში რამე განსაკუთრებული ცვლილება არ არის მოსალოდნელი.

“მგზავრები” – ეს არის დრამა კოსმოსური ხომალდის მგზავრებზე, რომელსაც ათასობით ადამიანი კოლონიაში გადაჰყავს. ერთ-ერთი მგზავრი არის ჯიმ პრესტონი (კრის პრეტი), რომელიც ხომალდის აღჭურვილობის გაუმართაობის შედეგად გაიღვიძებს, მაშინ როდესაც სხვა მგზავრებს 90 წელი ძილში მოგზაურობა რჩებათ. მას არ უნდა მარტოობაში სიკვდილი და აღვიძებს კიდევ ერთ მგზავრს, ავრორას, რის შემდეგაც მათ შორის იხლართება რომანი. ფილმს იღებს რეჟისორი მორტენ ტილდუმი, რომელმაც რამოდენიმე თვის წინ ოსკარი მიიღო.

ჭორებს თუ დავუჯერებთ ჯენიფერ ლოურენმსა ამ ფილმში თამაშისთვის მიიღო 20 მილიონი დოლარი, ხოლო კრის პრეტის ჰონორარი უცნობია. ფილმი კინოთეატრების ეკრანებზე 2016 წელს გამოვა.

3 108