დივერჯენტი გრძელდება: გამოვიდა Allegiant-ის თიზერ ტრეილერი

როგორც ვიცით, დივერჯენტის სერიის უკანასკნელი წიგნი ორ ნაწილიან ფილმად დაიყო, რომლის ტრეილერიც სულ რამდენიმე საათის წინ გამოვიდა. ამ თიზერში ჩვენ ვიხილავთ არა მხოლოდ ეპიზოდებს მომდევნო ნაწილებიდან, არამედ კადრებს პირველი ორი ფილმიდანაც.

იხილეთ ფილმის თიზერი



რა არის კედელს მიღმა? სწორედ ამის გაგება სურს ტრისს(შეილინ ვუდლი) Allegiant-ის პირველ ოფიციალურ თიზერ ტრეილერში თიზერი გვატყობინებს, რომ ტრისი (ეშლი ვუდლი) და მისი გუნდი: ტობიასი (თეო ჯეიმსი), კალები (ენსელ ელგორტი), ქრისტინა (ზოი კრავითსი), პიტერი (მაილს ტელერი), იბრძვიან იმისათვის, რომ საზღვრებს გასცდნენ და ახალ სამყაროში გადავიდნენ. მათ სურთ გაიგონ რა არის ჩიკაგოს კედელს მიღმა. ამ ნაწილის ფრაზაც ხომ ესაა: ,,დაარღვიე შენი სამყაროს საზღვრები.” გარდა ამისა, თიზერი გვახსენებს იმ ადამიანებსაც, რომლებიც ფილმის მიმდინარეობისას დავკარგეთ, მაგალითად, ეშლი ჯუდისა და ქეით უინსლეტის გმირები.

Allegiant-ს ეკრანზე 2016 წლის 18 მარტს ვიხილავთ.