,,კარიბის ზღვის მეკობრეები” გრძელდება

,,კარიბის ზღვის მეკობრეები: მკვდარი ადამიანი ისტორიებს არ ყვება” არის დასახელება ამერიკული ფანტასტიკური ჟანრის ფილმისა, რომელიც ცნობილია, როგორც კარიბის ზღვის მეკობრეების მეხუთე ნაწილი. ფილმის რეჟისორები იქნებიან: Joachim Rønning და Espen Sandberg. სცენარის ავტორი იქნება ჯეფ ნათანსონი, ხოლო პროდიუსერი უცვლელია – კვლავ ჯერი ბრუკლეიმერი.

როგორც ინტერვიუებიდან გაირკვა, ეს არ იქნება უბრალოდ ახალი ნაწილი ფრანჩაიზისა. მეხუთე ნაწილში ჩვენ ვიხილავთ სიუჟეტებს პირველი ნაწილიდან. სწორედ ეს სურდათ პროდიუსერებს, რომ დაბრუნებულიყვნენ დასაწყისთან. სიუჟეტი კვლავ შავი მარგალიტის გარშემო იტრიალებს.



რაც შეეხება ქასთს. ჯონი დეპი კვლავ ჯეკ სპაროუს როლს შეასრულებს, ორლანდო ბლუმი კი – უილ ტარნერისას. რაც შეეხება სხვა წევრებს, ჯეფრი რაში იქნება კაპიტანი ბარბოსა, ხავიერ ბარდემი-ფილმის ვილანი, კაპიტანი სალაზარი. ამ ნაწილში ორი ახალგაზრდა მსახიობი ემატება ქასთს. ესენი არიან კაია სკოდელარიო (ლაბირინთში მორბენალი) და ბრენტონ ტუეიტესი (დამრიგებელი)



ფილმის წინაწარი დამუშავება თითქოს დაიწყო მანამ, სანამ 2011 წელს მეოთხე ნაწილი – ,,კარიბის ზღვის მეკობრეები:უცნაურ ნაპირებზე” გამოვიდოდა. იმ დროს სცენარზე მუშაობდა ტერი როსიო. 2013 წელს ჯეფ ნათანსონი დაიქირავეს ახალი სცენარის დასაწერად. ამ პროცესში ჯონი დეპიც იყო ჩართული. შეთანხმდნენ, რომ ფილმის გამოშვების თარიღი 2015 წელი იქნებოდა, მოგვიანებით თარიღი 2016 წლამდე გადაწიეს და საბოლოდ 2017 წელი გადაწყდა. ეს ყველაფერი განაპირობა პრობლემამ, რომელიც ბიუჯეტთან და სცენართან იყო დაკავშირებული.

გადაღებები დაიწყო 2015 წლის თებერვალში, ავსტრალიაში. ფილმი გამოვა 3D-ში 2017 წლის 7 ივლისს.

3 823