“Demolition”-ჯეიკ ჯილენჰოლის ახალი ფილმი!

ჯეიკ ჯილენჰოლის ახალი ფილმი „დანგრევა“ მომავალ წლამდე არ გამოვა დიდ ეკრანებზე, თუმცა პრემიერა ტორონტოს საერთაშორისო კინოფესტივალზე შედგება, რაც ნიშნავს, რომ ეს ფილმი ოსკარისათვის ვერ იბრძოლებს. თუმცა შესაძლოა ის იყოს ერთ-ერთი საუკეთესო 2016 წლისთვის დაგეგმილ ფილმებს შორის.



ფილმში, რომლის სცენარის ავტორი ბრაიან საიპი გახლავთ, მთავარ როლს ჯეიკ ჯილენჰოლი ასრულებს. ის განასახიერებს წარმატებულ ბანკირს, დევის მიჩელს, რომლის ცხოვრებაც ინგრევა ავარიის შემდეგ, რომელმაც მისი ცოლი შეიწირა. ამ საშინელი მოვლენის შემდეგ იგი დაიწყებს საჩივარი წერილების მიწერას სავაჭრო აპარატების კომპანიისათვის, დევისი დაიწყებს საკუთარი პირადი ცხოვრებისა და გრძნობების აღწერას. მისი მკაცრი სიმამრი (კრის კუპერი) ყველანაირად ცდილობს ის რეალურ სამყაროში დააბრუნოს, თუმცა უშედეგოდ. საბოლოოდ მთავარი გმირი გადაწყვეტს, რომ ახალი ცხოვრების დაწყებას შეძლებს მაშინ, როდესაც ყველაფერს გაანადგურებს საკუთარ სამყაროში და ახლიდან შენებას დაიწყებს.

ჯეიკ ჯილენჰოლის ახალი დრამის პრემიერა 2016 წლის 8 აპრილისათვის იგეგმება.