“შეუსრულებელი მისია 5″ -მა ნახევარი მილიარდი დოლარი გამოიმუშავა

ბოევიკ “შეუსრულებელი მისია 5″ -ის მსოფლიო შემოსავალმა 500 მილიონ დოლარს გადააჭარბა. ამით პროექტმა დაამტკიცა თავისი ფინანსური ფასეულობა და შემქმნელებს საგრძნობი მოგება მოუტანა. დღევანდელი ნიშნულით ფილმი სხვა ნაწილებთან მიმართებში შემოსავლით მესამე ადგილს იკავებს. ის ჩამორჩება მეორე და მეოთხე სერიებს, რომელთა შემოსავლებიც შესაბამისად 546 და 694 მილიონი დოლარია. მოსალოდნელია, რომ ფილმის ახალმა სერიამ ჩინეთში კინოგაქირავების დასრულების შემდეგ მეორე ადგილზე გადაინაცვლოს.ამასთან გეტყვით, რომ აგვისტოს თვეში კინოსტუდია Paramount Pictures -მა დაანონსა პროექტის მეექვსე სერია. გადაღების გრაფიკი და პრემიერის თარიღი ჯერ-ჯერობით უცნობია.