სელენა გომესი და ქლოი მორეცი ,,მეზობლები 2 – გაერთიანების აღორძინებაში” ითამაშებენ

უკვე დადასტურებულია, რომ სელენა გომესი და ქლოი მორეცი ითამაშებენ ,,მეზობლების” მეორე ნაწილში.ფილმი მოგვითხრობს ცოლ-ქმარზე პატარა ბავშვით, რომლებიც ცდილობენ რომ ბავშვმა მათი ცხოვრება ერთფეროვანი, მოსაწყენი არ გახადოს და სტუდენტურ საძმოზე, რომლებიც მათ მეზობლად დასახლდნენ, ისინი ყოველ დღე ცეკვა-ჟრიამულში არიან, რაც ზემოთ ხსენებულ ცოლ-ქმარს ყოველ ღამეს თეთრად ათენებინებს.ერთხელაც მათ ეს ყველაფერი ყელში ამოუვათ და საძმოს განადგურებას გადაწყვეტენ…ასეთი იყო ფილმის პირველი ნაწილის სიუჟეტი, თუმცა რა ხდება შემდეგ?

ეს ჯერ კიდევ არ არის ცნობილი, მაგრამ ერთი რამ აშკარაა. ფილმის მეორე ნაწილში, სტუდენტური საძმოს გარდა ჩვენ ვიხილავთ კიდევ ერთ სტუდენტურ გაერთიანებას, რომლის წევრებიც მხოლოდ გოგონები იქნებიან. ამ გაერთიანების ხელმძღვანელი კი ქლოი მორეცის გმირი იქნება. სელენა გომესი კი ის გოგონაა, რომელიც მისთვის გვირგვინის წართმევას შეეცდება. ნამდვილად კატების ორთაბრძოლა იქნება!



რეჟისორი უცვლელია და ნიკოლას სტოლერს ფილმის მეორე ნაწილშიც ვიხილავთ. კვლავ ვიხილავთ მიმზიდველ ზაკ ეფრონსა და დეივ ფრანკოს. გადაღებები რამდენიმე კვირის დაწყებულია. ფილმის გამოსვლის თარიღი კი 2016 წლის 6 მაისია.



იხილეთ სელენა გომესის ფოტოები ფილმის გადასაღები მოედნიდან.

3 966