ჰარი პოტერის ფრედი სტრომა “სამეფო კარის თამაშებში”

გრძელდება მატება “სამეფო კარის თამაშების” კასტში. სულ ახლახანს ცნობილი გახდა, რომ ინგლისელი მსახიობი ფრედი სტრომა (კორმაკ მაკლეგენი, Harry Potter and the Half-Blood Prince) შეასრულებს სემუელ ტარლის უმცროსი ძმის, დიკონის როლს.

წიგნებში დიკონ ტარლი მხოლოდ გაკვრით არის მოხსენიებული: კერძოდ, ვიცით, რომ ის სემის უმცროსი ძმაა, ფიზიკურად მასზე გაცილებით ძლიერი, შესანიშნავად ფლობს ხმალს და მამის ფავორიტი შვილია. უფრო მეტიც, ლორდმა ტარლიმ პრაქტიკულად სიკვდილის მუქარით აიძულა თავისი უფროსი შვილი ღამის გუშაგებს შეერთებოდა, რომ მისი ძმისთვის მემკვიდრეობისკენ მიმავალი გზა გაეთავისუფლებინა. ოჯახური ფასეულობები, როგორც ასეთი…

თავისთავად ცხადია, დიკონ ტარლის როლის გაფართოება სერიალის სიუჟეტში მეტი დაძაბულობის შეტანას ემსახურება.