ადამიანი-ობობა დაკარგულ ქალაქში

ტომ ჰოლანდი, რომელმაც სულ ცოტა ხნის წინ მოირგო ადამიანი-ობობას კოსტიუმი, მონაწილეობას მიიღებს დევიდ გრანის რომანის, Lost City of Z, ეკრანიზაციაში, რომლის კასტში უკვე ირიცხებიან ჩარლი ჰანემი, სიენა მილერი და რობერტ პატინსონი. ფილმის გადაღებები ბელფასტში, ჩრდილოეთ ირლანდიაში მიმდინარეობს და დაახლოებით ხუთი კვირა გაგრძელდება, შემდეგ კი კოლუმბიაში გადაინაცვლებს. ფილმს MICA Entertainment აფინანსებს.

Lost City of Z მოგვითხრობს ბრიტანელი პოლკოვნიკის, პერსი ფოსეტის (ჩარლი ჰანემი) შესახებ, რომელიც 1925 წელს ამაზონის ჯუნგლებში ინკების ლეგენდარული ქალაქის საძებნელად გაემგზავრა. თუმცა ექსპედიცია უკვალოდ გაქრა.



აღსანიშნავია, რომ პროექტი საკმაოდ დიდ ხანს ელოდებოდა თავის ჯერს. საავტორო უფლებები სტუდია Paramount-მა ჯერ კიდევ 2008 წლის აპრილში შეიძინა, ხოლო მთავარი როლი ბრედ პიტს უნდა შეესრულებინა. თუმცა ახლა მსახიობი მხოლოდ ერთ-ერთ პროდიუსერად მოგვევლინება. ფილმის რეჟისორი ჯეიმს გრეია (We Own the Night, Two Lovers).

3 713