ტომ კრუზი “შეუძლებელი მისიის” მომდევნო ნაწილშიც მიიღებს მონაწილეობას

ჰოლივუდის ვარსკვლავი, ტომ კრუზი, “შეუძლებელი მისიის” მეექვსე ნაწილშიც გამოჩნდება, ამის შესახებ მან “The Daily Show”-ში ილაპარაკა. მსახიობმა აღნიშნა, რომ მოხარულია, რადგან შანსი აქვს ამ დიდებულ ფილმში კიდევ ერთხელ მიიღოს მონაწილეობა. მისი თქმით “შეუძლებელი მისიის” მეექვსე ნაწილზე მუშაობა უკვე დაწყებულია, ხოლო გადაღებები მომდევნო ზაფხულს აიღებს სტარტს. შეგახსენებთ, რომ “შეუძლებელი მისია” პირველად 1996 წელს გამოვიდა ეკრანებზე. ჯამში ფრენჩაიზმა 2 მილიარდ დოლარზე მეტი გამოიმუშავა. “შეუძლებელი მისიის” მეხუთე ნაწილი 31 ივლისს გამოვა დიდ ეკრანებზე. ამ ფაქტს უამრავი ადამიანი ელოდება, მას შემდეგ უფრო, რაც ინტერნეტსივრცეში 53 წლის კრუზის გამაოგნებელი ილეთი გავრცელდა.