„ფორსაჟი 7“-მა „შურისმაძიებლები“ „გაანადგურა“

ბოევიკ „ფორსაჟის“ მეშვიდე ნაწილის საერთო შემოსავალმა 1,520 მილიარდ დოლარს მიაღაწია, რაც მას კინემატოგრაფიის ისტორიაში ყველაზე შემოსავლიან ფილმებს შორის მესამე ადგილის დაკავების საშუალება მისცა. აქამდე ამ პოზიციას „შურისმაძიებლები“ იკავებდნენ – ამ ნამუშევრის შემოსავალმა 1,519 მილიარდ დოლარს მიაღწია. დიდი ალბათობით, უახლოეს კვირაში რეიტინგში კიდევ რამდენიმე ცვლილებას ვიხილავთ, რადგან მეხუთე ადგილზე მყოფი „იურული პერიოდის სამყარო“ ასევე სწრაფი ტემპებით პროგრესირებს. ამჟამად ეს ფილმი სამეულს 50 მილიონი დოლარით ჩამორჩება. შეგახსენებთ, რომ „ფორსაჟ 7“-ში მონაწილეობა ჯეისონ სტეტჰემმა, დუეინ ჯონსონმა, ვინ დიზელმა, პოლ უოლქერმა, ლუკას ბლეკმა, მიშელ როდრიგესმა, ჯროდან ბრიუსტერმა, ელზა პატაკიმ, კურტ რასელმა და რონდა რაუზიმ მიიღეს. დამდგმელი რეჟისორის ფუნქციები ჯეიმს ვანმა შეასრულა. ფილმის საკომერციო წარმატების დახმარებით სტუდია „იუნივერსალმა“ როგორც შიდა, ასევე საერთაშორისო დონეზე, არაერთ რეკორდს მაიღწია.