ბენ აფლეკი „ბეტმენს“ გადაიღებს

„DC Comics“-ის ბეტმენზე სერიების ახალ ეკრანიზაციაში მთავარი როლის შემსრულებემა ბენ აფლეკმა, შესაძლოა, ახალი გამოწვევა მიიღოს. როგორც გამოცემა „LatinoReview“-ი წერს, სტუდია „Warner Bros.“-მა აფლეკს ფილმის ახალი ნაწილის გადაღება სთხოვა. ამჟამად მისი შესაძლო გამოშვების პერიოდად 2018 წლის ნოემბერი სახელდება. მოსალოდნელია, აღნიშნულმა პროექტმა „კაპიტან მარველს“ დიდი კონკურენცია გაუწიოს. ფილმის სცენარის დაწერას კრის ტერიო აპირებს, რომელთანაც აფლეკი ოსკარზე ნომიცირებულ ფილმ „არგოზე“ მუშაობდა. რა თქმა უნდა, აღნიშნული ინფორმაცია დადასტურებული ჯერ არ არის. სავარაუდოდ, „Warner Bros.“-ი მაყურებლებს თავის გეგმებს მოახლოებულ ფესტივალზე „Comic-con 2015“-ზე გაუზიარებს. შეგახსენებთ, რომ ბეტმენის როლში აფლეკი მაყურებლის წინაშე პირველად 2016 წლის მარტში წარსდგება, როდესაც ფილმ „ბეტმენი სუპერმენის წინააღმდეგ“ პრემიერა შედგება.