“სასტუმრო ტრანსილვანია 2“ ტრეილერი

„სასტუმრო ტრანსილვანიას“ სექუელის ტრეილერი უკვე აქტიურად ტრიალებს ინტერნეტსივრცეში და იგი დიდი განხილვის საგნადაც იქცა. მაყურებელთა აზრით, ანიმაციის მეორე ნაწილი წინასთან შედარებით ბევრად უკეთესი იქნება. სცენარის მიხედვით სიტუაცია დადებითისკენ იცვლება, დრაკულა, რომელსაც ადამ სენდლერი ახმოვანებს, სასტუმროში ადამიანებს შემოსვლის ნებას რთავს, იგი შეშფოთებულია თავისი შვილიშვილის, დენისის, ქცევებით, რომელიც საკუთარ ვამპირულ მხარეს არ ავლენს, ამიტომ დრაკულა ცდილობს ამ პრობლემის მოგვარებას.

„სასტუმრო ტრანსილვანია 2“-ის რეჟისორი გენადი ტარტაკოვსკი იქნება. ანიმაციას სენდლერის გარდა ისეთი ცნობილი მსახიობები გაახმოვანებენ, როგორებიც სელენა გომესი, ენდი სემბერგი და სტივ ბუშემი არიან.

ფილმს ეკრანებზე ამა წლის 25 სექტემბერს ვიხილავთ.