“იურული სამყაროს“ ბოლო ტრეილერი

„იურული სამყაროს“ პრემიერას მაყურებელი 11 ივნისს ელოდება, მანამდე კი ტელეეკრანებზე ფილმის კიდევ ერთი, ამჯერად ბოლო ტრეილერი გამოვიდა და საზოგადოების ინტერესი ფილმისადმი კიდევ უფრო გააღრმავა. ახალი ტრეილერი კიდევ უფრო დრამატულსა და შემზარავს ხდის ფილმის შინაარსს.შეგახსენებთ, რომ „იურული სამყარო“ ამ თემაზე შექმნილი მეოთხე ფილმი იქნება. პირველი კინოპროდუქტი, „იურული პარკი“, სტივენ სპილბერგის რეჟისორობით შეიქმნა 1993 წელს და მისმა მოგებამ მილიარდს გადააჭარბა.



„იურული სამყაროს“ რეჟისორი კოლინ ტრევოროუ იქნება. ფილმში მონაწილეობას მიიღებენ კრის პრეტი, ვინსენტ დ’ონოფრიო, ბრაის დალას ჰოვარდი, ირფან კჰანი, თაი სიმპკინსი და სხვა ცნობილი მსახიობები.