დუეინ ჯონსონი გინესის Selfie რეკორდსმენი გახდა!
ცნობილმა ჰოლივუდელმა მსახიობმა, დუეინ ჯონსონმა, ავტოპორტრეტის, სელფის გადაღებაში მსოფლიო რეკორდი დაამყარა. აღნიშნული სიახლის შესახებ, თავად მსახიობმა, საკუთარი ინსტაგრამის მეშვეობით აცნობა ფანებს. Dwayne-Johnson „ეს-ესაა, ჩვენ მიერ გინესის მსოფლიო რეკორდი დამყარდა სელფის უმოკლეს პერიოდში გადაღებაში“ – განაცხადა მსახიობმა მოკლე ვიდეორგოლში, რომელიც „სან ანდრეასის“ მსოფლიო პრემიერაზე გადაიღო; ხელში კი გინესის რეკორდების სერტიფიკატი ეჭირა. მსახიობმა არ დააკონკრეტა, თუ რა რაოდენობის სელფი გადაიღო, თუმცა გინესის რეკორდების წიგნის ოფიციალურ გვერდზე მითითებულია, რომ მან 105 სელფის გადაღებას, სულ რაღაც 3 წუთი მოანდომა. ფოტოები ფანებთან შეხვედრის დროს იქნა გადაღებული. რეკორდის დამყარების პროცესს გინესის რეკორდების წიგნის წარმომადგენლები ესწრებოდნენ, რომლებიც პროცედუალური მხარის სისწორესა და კანონიერებას აკვირდებობენ – მსახიობის მიერ გადაღებულ ყველა სელფიში თავად მსახიობი აუცილებლად უნდა გამოჩენილიყო და ამასთანავე, ყველა ფოტოს ფოკუსი გასწორებული უნდა ყოფილიყო.
დუეინ ჯონსონი, „ფორსაჟი 7“-ის და „სან ანდრეასის“ ვარსკვლავი, იგივე „The Rock”, როგორც იგი საკუთრ თავს უწოდებს, ცნობილია ფანებისადმი საკუთარი გულისხმიერებით, დადებითი დამოკიდებულებითა და ავტოპორტრეტების მიმართ განსაკუთრებული სიყვარულით. თავად ფილმის, „სან ანდრეასის“ პრემიერა, კი რომლის დროსაც რეკორდის დამყარება მოხდა, 21 მაისს, ლონდონში შედგა. მსოფლიო კინოეკრანებზე სათავგადასავლო დრამის ხილვა მაყურებლებს 29 მაისიდან შეეძლებათ.
