ტომ კრუზი "ჯეკ რიჩერი"–ის სიქველში

ტომ კრუზი და რეჟისორი ედვარდ ცვიკი, რომლებიც ფილმზე „უკანასკნელი სამურაი“ ერთად მუშაობდნენ, „ჯეკ რიჩერი“-ის სიქველის გადასაღებ მოედანზე კვლავ შეხვდებიან ერთმანეთს. ორიგინალმა 2012 წელს მსოფლიო გაქირავებაში 218,34 მლნ დოლარი გამოიმუშავა.

ლიტერატურის მამას ლი ჩაილდს ჯეკ რიჩერის შესახებ ორი ათეული რომანი აქვს დაწერილი, რომელთაგან სიქველისთვის ერთ-ერთი უახლესი, 2013 წლის შემოდგომაზე გამოცემული – „არასდროს არ დაბრუნდე“ (Never Go Back) შეარჩიეს. რიჩერს ამჯერად გეზი ვირჯინიის სამხედრო ბაზაზე აქვს აღებული, სადაც ის ადრე მსახურობდა. მას თავისი ქვედანაყოფის მეთაურთან სიუზენთან ვახშამი აქვს დაგეგმილი. იქ ჩასვლის შემდეგ ჯეკი იგებს, რომ ბაზის ხელმძღვანელობა შეიცვალა, სიუზენი ციხეშია, ხოლო მას ვიღაც მამაკაცის ცემაში სდებენ ბრალს. ამასთან ტივტივდება ისტორია ჯეკის მამობასთან დაკავშირებით, რომლისთვისაც ბავშვის არსებობა ნამდვილი აღმოჩენაა – სავარაუდოდ უსიამოვნო. პირველი ფილმის ავტორი კრისტოფერ მაკკუორი ახალ პროექტში პროდუსერის ფუნქციებით შემოიფარგლება. ზაფხულში ის კრუზის მთავარი კინოსერიალის „შეუსრულებელი მისია“-ის მეხუთე ნაწილს უშვებს. გაგრძელების სცენარი რიჩარდ უენკს („ექვალაიზერი“, „შეუჩერებელნი 2“) ეკუთვნის. ედვარდ ცვიკი და მარშალ გერშკოვიცი, რომელიც მუშაობდა ცვიკთან ერთად ფილმებზე „უკანასკნელი სამურაი“ და „სიყვარული და სხვა წამლები“, მასში გარკვეულ შესწორებებს შეიტანენ. ცვიკი წელს გამოუშვებს ბიოგრაფიულ ფილმს ბობი ფიშერის შესახებ „Pawn Sacrifice“, სადაც გამოჩენილი მოჭადრაკის როლს ტობი მაგუაირი, ხოლო მოწინააღმდეგის, საბჭოთა გროსმეისტერის ბორის სპასკის როლს ლივ შრაიბერი შეასრულებს.