დუეინ ჯონსონი "ფორსაჟი 8"–ში ითამაშებს

დუეინ ჯონსონი „ფორსაჟის“ მერვე სერიაში აგენტ ჰობსის სახეს დაუბრუნდება. ამის შესახებ გამოცემა Collider-ს თავად მსახიობმა განუცხადა: „რა თქმა უნდა, სად წავლენ ჰობსის გარეშე“, – თქვა მან. ჯონსონმა ასევე დაადასტურა მისი გმირისადმი მიძღვნილი სპინ-ოფის გადაღების შესახებ სტუდია Universal-ის ხელმძღვანელობასთან მოლაპარაკებაზე ჭორი. „ჩვენ ყველა დაინტერესებული ვართ ამით. ამ თემაზე სტუდიასთან მჭიდროდ ვურთიერთობთ. ვნახოთ, რა გამოვა. ვფიქრობ, მეშვიდე ნაწილში მანევრისთვის სივრცე შევქმენით და თან მაყურებლის მოლოდინიც შევამოწმეთ. მოკლედ, მე თანახმა ვარ, მაგრამ პროექტში უამრავი ადამიანი იღებს მონაწილეობას” – დაამატა მან.

შეგახსენებთ, რომ „ფორსაჟი 7“-ის პრემიერა 2015 წლის აპრილში შედგა. ის ფრანშიზის ყველაზე წარმატებული ნაწილი და კინოს ისტორიაში ერთ-ერთი ყველაზე მაღალშემოსავლიანი კინოპროექტი გახდა, რომელმაც ამ დროისათვის 1,488 მილიარდი დოლარი გამოიმუშავა. მეშვიდე ნაწილში მთავარი როლები შეასრულეს ჯეისონ სტეთჰემმა, ვინ დიზელმა, პოლ უოკერმა, ლუკას ბლექმა, მიშელ როდრიგესმა, ჯორდანა ბრუსტერმა, ელზა პატაკიმ, კურტ რასელმა, რონდა როუზიმ და სხვებმა. „ფორსაჟი 7“-ის პრემიერის შემდეგ, მთავარი როლის შემსრულებელმა და პროდუსერმა ვინ დიზელმა CinemaCon-ის ფესტივალზე მორიგი გაგრძელების თარიღი გამოაცხადა. მისი თქმით, მაყურებელი „ფორსაჟი 8“-ს 2017 წლის 14 აპრილს იხილავს.