"შეშლილი მაქსი" გრძელდება!

“შეშლილი მაქსი: მრისხანე გზა” (“Mad Max: Fury Road” ) – გახლავთ მძაფრსიუჟეტიანი თრილერი, რომლის მსოფლიო პრემიერა 7 მაისს შედგა. სათავგადასავლო სურათმა უკვე მოახერხა მაყურებლების გულის დაპყრობა და $45,43 მილიონის გამომუშავება. მიუხედავად იმისა, რომ ფილმი მხოლოდ რამდენიმე დღეა კინოთეატრებში მისულ აუდიტორიას დაუვიწყარ შთაბეჭდილებებს სთავაზობს, გასულ საღამოს, ფილმის რეჟისორმა, ჯორჯ მილერმა “Mad Max: Fury Road”-ის სიქველის გამოსვლა დააანონსა.

„დიდ მადლობას გიხდით ყველა იმ კეთილი კომენტარისა და თბილი სიტყვებისთვის, რომლებიც ფილმის შესახებ თქვით. მისი გადაღების პროცესი ძალზე სახალისო აღმოჩნდა ჩვენთვის…. და ახალ მაქსს აუცილებლად იხილავთ“ – განაცხადა მილერმა, Twitter-ის პერსონალურ გვერდზე. მილერი ფილმის ორ სხვადასხვა სიქველზე ფიქრობს, პირველის სახელწოდებაა “Mad Max: The Wasteland”, რომლის სცენარიც უკვე შექმნილია, ხოლო მეორე, ჯერჯერობით, მხოლოდ ნოველის სახითაა მოცემული.



სანამ მილერი და ფილმის გადამღები ჯგუფი, “Mad Max: Fury Road”-ის გადაღების შემდგომ, დიდი ხნის ნანატრი შვებულებით ტკბება, ჩვენ შეგვიძლია იმედი ვიქონიოთ, რომ ფილმის უფრო გიჟურ, დაუჯერებელ და თავზეხელაღებულ გაგრძელებას უახლოეს მომავალში კვლავ ვიხილავთ.

3 974