სტეფან ამელის პირველი“ლუქი“ კუ-ნინძების გადაღებიდან

მაიკლ ბეიმ ფანების გასახარად სტეფან ამელის სურათი გაავრცელა, რომელიც კუ-ნინძების სიქველში მიიღებს მონაწილეობას. სტეფან ამელი კინომოყვარულთათვის ტელესერიალ „ისარიდან“ არის ცნობილი. სურათზე კარგად ჩანს კეისი ჯოუნსი, რომელსაც სახე ნიღბით აქვს დაფარული და ხელში ჰოკეის ჯოხი უჭირავს. ამელი პარტნიორობას გაუწევს მეგან ფოქს, რომელიც სიქველში ეიპრილ ონილის როლს გაიმეორებს.

ფილმის რეჟისორია დეივ გრინი, ხოლო სცენარი ჯოშ აპელბაუმსა და ანდრე ნემეკს ეკუთვნით, გადაღებები უკვე დაწყებულია.

ასევე გავრცელდა ინფორმაცია რომ ფილმში მონაწილეობას ოსკარის სამი ნომინაციის მფლობელი ლაურა ლინიც მიიღებს. ვის როლს შეასრულებს იგი ჯერ-ჯერობით უცნობია. კუ ნინძები 2016 წლის 3 ივნის გამოვა კინოეთეატრების ეკრანებზე.

4 301