ბეთმენი Suicide Squad-ში

მაშინ, როდესაც დევიდ აიერის Suicide Squad-ის მთავრი გმირის, ჯოკერის, ისევე როგორც ფილმის სრული სამსახიობო დასის ვინაობა, თითქმის ბოლომდეა ცნობილი, საზოგადოებისთვის კვლავ უცნობი რჩება უნდა ველოდეთ თუ არა ფილმში ბეთმენის გამოჩენას და იმას თუ, ასეთ შემთხვევაში, ვინ შეასრულებს სუპერგმირის როლს მძაფრსიუჟეტიან ფანტასკიკაში.

ჰოლივუდში დიდი ხანია ჭორები დადის იმის შესახებ, რომ მთავარი გმირის, ბრუს ვეინის როლში შესაძლოა, ბენ აფლეკი ვიხილოთ. აღნიშნული ჭორები, მხოლოდ ჭორებად დარჩებოდა, რომ არა ბენ აფლეკის გუშინდელი ვიზიტი ტორონტოში, სადაც ამ ეტაპზე ფილმის გადაღება მიმდინარეობს. პაპარაცებმა აეროპორტში აფლეკი შავ-თეთრ თმაში შენიშნეს, რაც ბრუს ვეინის ბეთმენის ბოლო ვერსიის იმიჯს ერგება.

გთავზობთ ბენ აფლეკის ფოტოს ტორონტროს აეროპორტში :



შესაძლოა, აღნიშნული ფოტო არაფრისმთქმელიც ყოფილიყო, რომ არა ქვემოთ მოცემული ფოტოები, სადაც ბენ აფლეკი ბრუს ვეინის ტანისამოსშია გამოწყობილი. პაპარაცების ვარაუდით, ეს ფოტოები მხოლოდ იმაზე მეტყველებს, რომ უახლოეს მომავალში, სწორედ ბენ აფლეკს ვიხილავთ ბეთმენის როლში.


Suicide Squad-ის პრემიერა 2016 წლის 5 აგვისტოს იგეგმება და მასში ვიხილავთ ისეთ მსახიობებს, როგორებიც არიან: ჯარედ ლეტო, უილ სმიტი, ჯოელ კინემანი, მარგო რობი, ჯეი კორტნი, კარა დელევინი, ვიოლა დევისი, ჯეი ჰერნანდესი, ადევალე აკინუოიე-აგბაკე, კარენ ფუკუარა, სკოტ ედვარდი, ჯიმ პარაკი, იკე ბარინჰოლდსი და ცნობილი ამერიკელი რეპერი ქომონი.

3 590