ჯონი დეპი კარიბის ზღვის მეკობრეების გადაღებებს დაუბრუნდა

ჯონი დეპმა ხელზე მიღებული ტრავმის გამო, რამდენიმე კვირის წინ კარიბის ზღვის მეკობრეების მეხუთე ნაწილის გადაღებები დატოვა, გუშინ კი მსახიობი გადასაღებ მოედანზე დაუბრუნდა. ინფორმაცია ფილმის პროდუსერმა ჯერი ბრუკჰაიმერმა გაავრცელა ტვიტერის საშუალებით.

ბრუკჰაიმერმა კარიბის ზღვის მეკობრეების გულშემატკივრებს ახალი კადრიც აჩვენა. გავრცელებული ინფორმაციით, ჯონი დეპის არ ყოფნისას უკვე გადაიღეს ყველა ის სცენა სადაც მსახიობი არ მონაწილეობს. ფილმის გადაღებები ავსტრალიაში 17 თებერვალს დაიწყო, 10 მარტს კი ჯონი დეპმა ხელის ტრავმა მიიღო, თვითმხილველთა თქმით ჯონი დეპი, რაღაცამ გააბრაზა, რის შემდეგაც მუშტი კედელს ჰკრა. ამის შემდეგ დეპს ამერიკაში დაბრუნება და ოპერაციის გაკეთება მოუწია. თუმცა როგორც ჩანს მსახიობი თავს უკეთესად გრძნობს.

ეგახსენებთ, რომ კარიბის ზღვის მეკობრეების მეხუთე ნაწილის პრემიერა 2017 წლის 7 ივნისს შედგება.

3 343