5 ყველაზე მაღალშემოსავლიანი ფილმი, რომელიც ზაფხულში გამოვა

უკანასკნელ პერიოდში, თითქოს, ყველაზე დიდი ბლოკბასტერები ფილმების საზაფხულო სეზონს მიღმა უფრო ხშირად გამოდის. მაგალითად, გასული წლის ორი ყველაზე დიდი ჰიტი „ამერიკელი სნაიპერი“ და „შიმშილის თამაშები: კაჭკაჭ-ჯაფარა - ნაწილი 1“ ზამთარში გამოვიდა ეკრანებზე. წელსაც, არასაზაფხულო სეზონზე გამოსულ რამდენიმე ფილმს გარანტირებული აქვს 300 მილიონ დოლარზე მეტი შემოსავალი, მათ შორის: „ფორსაჟი 7“, „კაჭკაჭ-ჯაფარა - ნაწილი 2“ და „ვარსკვლავური ომები“. თუმცა, არც 2015 წლის ზაფხული იქნება მოდუნებული და წლის ბოლოს, ყველაზე დიდი შემოსავლის მქონე ფილმებითაც კი შეიძლება დაიტრაბახოს. ჩვენ შევარჩიეთ 5 ბლოკბასტერი, რომელიც ჩვენი პროგნოზით, ზაფხულის ყველაზე მაღალშემოსავლიანი ნამუშევრები იქნება.



პროგნოზი: 610 მილიონი დოლარი „შურისმაძიებლების“ პირველი ფილმი სამი წლის წინ გამოვიდა და ყველა დროის ერთ-ერთი ყველაზე მაღალშემოსავლიანი ფილმი გახდა შიდა გაქირავების 623 მილიონი დოლარით. მას შემდეგ, მარველის კომიქსების თითოეული ეკრანიზაცია ძალიან წარმატებული იყო: „რკინის კაცი 3“, „კაპიტანი ამერიკა: ზამთრის ჯარისკაცი“ და „თორი: ბნელი სამყარო“. თითოეულმა მნიშვნელოვნად გააუმჯობესა მისი წინამორბედის მაჩვენებელი. მარველის პერსონაჟთა ამ ტემპით თუ ვიმსჯელებთ, „ულტრონის ერამ“ მოხერხებულად შეიძლება გადაასწროს კიდეც პირველ „შურისმაძიებლებს“. ყველაფერი ამისაკენ მიანიშნებს.