სტივენ ამელი თინეიჯერი კუნინძების მეორე ნაწილში ითამაშებს

გამოცემა Variety იტყობინება, რომ სერიალ “ისარის” მთავარი როლის შემსრულებელი სტივენ ამელი თინეიჯერი მუტანტების შემოქმედებით ჯგუფს შეუერთდა და ფილმის მეორე ნაწილში მიიღებს მონაწილეობას. მისი პერსონაჟი შენიღბული შურისმაძიებელი კეისი ჯონსი იქნება, რომელიც პირველად 1985 წელს გამოჩნდა კომიქსებში. სცენარის მიხედვით ის კუნინძების მოკავშირე და ეიპრილ ონელის შეყვარებული გახდება. პროეკტზე მუშაობენ სტუდიები Paramount Pictures და Platninum Dunes. ფილმში სტივენ ამელის გარდა მონაწილეობას იღებენ მეგან ფოქსი, უილიამ ფიხტნერი, ალესანდრა ამბროსიო. სიკველს დეივ გრინი გადაიღებს.