“ტრანსფორმერები” გრძელდება!

Paramount Pictures-ი, მაიკლ ბეი და ლორენცო დი ბონავენტურა “ტრანსფორმერების” სამყაროს გაფართოებას გეგმავენ. დახმარებისათვის მათ უკვე მიმართეს აკივა გოლდსმენს. ის უშუალოდ სცენარის ავტორი აღარ იქნება, მაგრამ უხელმძღვანელებს და მითითებებს მისცემთ მათ, ვინც სიუჟეტის წერას შეუდგებიან. შედეგად “ტრანსფორმერების” ორი გაგრძელება უნდა მივიღოთ. ჯერჯერობით უცნობია, დაუბრუნდება თუ არა სარეჟისორო მოვალეობებს მაიკლ ბეი, რომელიც ამჟმად ახალ ფილმზე “13 საათი” მუშაობს. თუმცა, “ტრანსფორმერები” იმდენად დიდი და გრანდიოზული კინომოვლენაა, საეჭვოა, ვინმემ მის შექმნაში მონაწილეობაზე უარი განაცხადოს. გოლდსმენს კი ეხერხება ყველა სურათის ისე წარმოჩენა, რომ მაყურებლის საოცრად დიდი რაოდენობა მიიზიდოს. სწორედ მისი დამსახურება იყო და არის ის, რომ “მე ლეგენდა ვარ”, “და ვინჩის კოდი” და “მეამბოხე” კინოგაქირავების სათავეებში მოექცა. ყველა სხვა დეტალი ჯერჯერობით უცნობი რჩება.