„კუ-ნინძების“ გადაღებების გრაფიკი დაანონსდა!

ფილმის „კუ-ნინძები 2“ გადაღებების 2015 წლის აპრილში დაიწყება და ნიუ-იორკში და ბუფალოში ჩაივლის. ამის შესახებ NY Daily News იტყობინება. „არ არსებობს ჩვენი ქალაქის ხასიათის უკეთესად ჩვენების საშუალება, ვიდრე მხატვრული ფილმი ან სერიალია. რა იქნება ნიუ-იორკის უკეთესი სიმბოლო, თუ არა პიცის მოყვარული ნინძები და მოლაპარაკე ვირთხა“, – კომენტარი გააკეთა ნიუ-იორკის საკრებულოს წევრმა დენ გაროდნიკმა.

მოსალოდნელია, რომ მეგან ფოქსი კვლავ ითამაშებს ეიპრილ ო’ნილის როლს, ხოლო უილიამ ფიხტნერი კი ერიკ საკსის პერსონაჟს დაუბრუნდება. ჯერჯერობით დაუდასტურებელი ინფორმაციის მიხედვით, მაყურებელს რამდენიმე ახალი გმირის ხილვაც მოუწევს, მათ შორის ბიბოპისა და როკსტედის. სიკველის გადაღებით დეივ გრინი დაკავდება. პროექტს კურირებას მაიკლ ბეის სტუდია Platinum Dunes უწევს. სურათის პრემიერა კი 2016 წლის ივნისშია დაგეგმილი. შეგახსენებთ, რომ პირველი სერია 2014 წელს გამოვიდა და მისმა მსოფლიო შემოსავალმა 485 მილიონ დოლარზე მეტი შეადგინა. მიუხედავად ამ წარმატებისა პროექტი კრიტიკის საგანი გახდა და ერთდროულად „ოქროს ჟოლო 2015“-ის რამდენიმე ნომინაცია მიიღო.

3 657