„ფანტასტიკური ოთხეული 2“-ის პრემიერა „ვარსკვლავური ომების“ გამო გადაიტანეს!

კინოსტუდია 20th Century Fox-მა „ვარსკვლავური ომები 8“-ს პრემიერის ანონსზე პირველმა მოახდინა რაეაგირება და თავისი ფილმის „ფანტასტიკური ოთხეული 2“ გაქირავების გრაფიკი შეცვალა. ახალი მონაცემებით ფილმი გაქირავებაში, 2017 წლის 2 ივნისის ნაცვლად, იმავე წლის 9 ივლისს გამოვა. შეგახსენებთ, რომ „ვარსკვლავური ომები: ეპიზოდი 8“, რომლის დამდგმელიც რაიან ჯონსონი იქნება, გაქირავებაში 2017 წლის 26 მაისს გამოვა. ამავე დღეს არის კინოსტუდია Warner Bros-ის მულტფილმის „ლეგო ფილმი: ბეტმენი“ პერმიერა დაგეგმილი, მაგრამ სავარაუდოა, რომ მისი გაქირავების გრაფიკიც შეიცვლება, რადგან ორივე ფილმი ერთ აუდიტორიაზე გათვლილი, მაგრამ ისინი სრულიად განსხვავებულ „წონით კატეგორიებში“ არიან.

„ვარსკვლავური ომები: ეპიზოდი 8“-ს გაქირავებაში გამოსვლამდე ერთი კვირით ადრე იგეგმება ფანტასტიკური ფილმის „ტერმინატორი 2“ პრემიერაც. გარისკავს, თუ არა Paramount Pictures მისი პერმიერის თარიღის უცვლელად დატოვებას დრო გვანახებს. „ფანტასტიკური ოთხეულის“ პირველი ნაწილი, რომელიც Marvel-ის კომიქსების სერიაზეა დაფუძნებული გაქირავებაში 2015 წლის 7 აგვისტოს გამოვა. მასში მონაწილეობენ მაილზ ტელერი, ქეით მარა, მაიკლ ბ. ჯორდანი, ტობი კებელი, ჯეიმი ბელი, ჯოდი ლინ ბროკტონი და სხვები.