ბორტს მიღმა კაპიტანია!

ჯეკ ბეღურამ… კაპიტანმა ჯეკ ბეღურამ „კარიბის ზღვის მეკობრეების“ მეხუთე ნაწილის გადასაღები მოედანი დატოვა. ავსტრალიიდან ჯონი დეპი აშშ-ში გაემგზავრა. როგორც The Wrap იტყობინება, მსახიობმა ტრავმა მიიღო და ახლა მას ოპერაცია ესაჭიროება. რამდენად სერიოზულია ტრავმა, ჯერჯერობით, გაურკვეველია, მაგრამ ცნობილია, რომ დეპი გადასაღები მოედნის გარეთ დაზიანდა. სურათის წარმოებაზე მისი არყოფნა მინიმალურად იმოქმედებს და ამიტომ რელიზის თარიღი არ იცვლება – 2017 წლის 7 ივლისი.PIRATES OF THE CARIBBEAN: ON STRANGER TIDES შეგახსენებთ, რომ გადაღებები თებერვალში დაიწყო. ავსტრალიის მთავრობამ გადაღებებისთვის თავისი ბიუჯეტიდან, ტურიზმის განვითარების მიზნით, 21 მილიონი დოლარი გამოჰყო. ამჯერად ჯეკ ბეღურას მოუწევს შეეჯახოს მის ერთ-ერთ ყველაზე მოსისხლე მტერს – კაპიტან სლაზარს, რომლის ეკიპაჟიც მოჩვენებებისგან შედგება. იმისთვის, რომ კაპიტან სლაზარზე გაიმარჯვოს, ჯეკს პოსეიდონის სამკაპის მოპოვება მოუწევს. ეს არტიფაქტი მის მფლობელს საშუალებას აძლევს მთელი ზღვა მართოს. ჯონი დეპის გარდა, სამსახიობო დასში შედიან ჯეფრი რაში, ხავიერ ბარდემი, კაია სკოდელარიო და სხვები.