გამოქვეყნდა პირველი ფოტო ფილმიდან “ჯონსის თავისუფლება”

გამოქვეყნდა პირველი ფოტოკადრი ფილმიდან “ჯონსის თავისუფლება”, რომელშიც მთავარ როლებს მეთიუ მაქკონაჰი, გუგუ მბათა-რო, კერი რასელი და მაჰერშალა ალი ასრულებენ. სურათის სცენარი გარი როსს ეკუთვნის. ისვე ითავსებს რეჟისორის მოვალეობებს. “ჯონსის თავისუფლება” ნამდვილ ამბავზეა დაფუძნებული და მოგვითხრობს ნიუტ ნაიტზე (მაქკონაჰი), სამხრეთელ ფერმერზე, რომელიც სამოქალაქო ომის დროს კონფედერაციის წინააღმდეგ ჯანყდება. რასელი მისი მეუღლის, სერენას როლს შეასრულებს. ალი კი მოსე ვაშინგტონის პერსონაჟს განასახიერებს და ფილმში გაქცეულ მონად მოგვევლინება, რომელიც ნაიტის აჯანყებას შეუერთდება და მასთან ერთად თავისუფლებისათვის ბრძოლას დაიწყებს. გადაღებები უკვე დაწყებულია და ლუიზიანას შტატში მიმდინარეობს. ფილმის პრემიერა 2016 წლის 11 მარტსაა დაგეგმილი.