რობერტ დაუნი უმცროსი მოგვიწოდებს, არ ჩავთვალოთ ტონი სტარკი ბოროტ გმირად

ტონი სტარკი არ იქნება ბოროტმოქმედი ფილმში „პირველი შურისმაძიებელი: სამოქალაქო ომი“. ასეთი განცხადება გააკეთა EmpireOnline-თან ინტერვიუში რკინის კაცის როლის შემსრულებელმა რობერტ დაუნ უმცროსმა. „მე საკითხს ასე არ დავსვამდი. საერთოდაც, ეს სტივის ისტორიაა, ეს ხომ „რკინის კაცი 4: სამოქალაქო ომი“ არ არის; თუმცა, ესეც შესანიშნავად ჟღერს. ვფიქრობ, კრისი დიდი სიამოვნებით მოახდენს ამ სიუჟეტურ ხაზში თავისი გმირის დაფარული მხარის დემონსტრირებას. მახსოვს, რომ კომიქსში კეპი თანამედროვე ბოისკაუტის შთაბეჭდილებას ტოვებს, მაგრამ, სინამდვილეში იგი წინააღმდეგობებით სავსე ადამიანია სხვა ეპოქიდან. რა თქმა უნდა, მან ნაწილობრივ შეძლო შერიგებოდა საკუთარ თავს. ასე რომ, მას წინ აქვს კონფლიქტი წარსულის მემკვიდრეობასა და თანამედროვეობას შორის,“ – თქვა მსახიობმა.

რობერტ დაუნის სიტყვებით, თავისი გმირის თანდათანობით ცვლილებებს მაყურებელი უკვე ფილმში „შურისმაძიებელნი 2: ულტრონის ერა“ დაინახავს. „ჯოსი (რეჟისორი) იძულებულია, გაითვალისწინოს, რომ გმირები გამუდმებით აწყობენ მასშტაბურ ხოცვა-ჟლეტას მსოფლიოს სხვადასხვა ნაწილებში, რომელთაც, რა თქმა უნდა, დიდი ზიანი მოაქვს. ხოლო დამთავრების შემდეგ რჩება შთაბეჭდილება, რომ არავინ ამახვილებს ამაზე ყურადღებას. როგორ მოიქცეოდა ამერიკის ხელისუფლება სინამდვილეში? საინტერესო იქნებოდა, გაგვეგო რაზეა წამსვლელი ტონი სტარკი ასეთ სიტუაციაში?“ – დასძინა მან. შეგახსენებთ, რომ ფილმი „შურისმაძიებელნი 2: ულტრონის ერა“ 2015 წლის მაისში გამოდის, ხოლო მისი მესამე ნაწილი კი ერთი წლის შემდეგ.

3 338