რეკორდები, რომლებიც “გრეის ორმოცდაათმა ელფერმა” მოხსნა

სულ რაღაც სამი დღეა, რაც “გრეის ორმოცდაათი ელფერი” მაყურებლის წინაშე წარსდგა, თუმცა მან უკვე მოახერხა ათამდე რეკორდის დამყარება! მართალია, ამერიკული კინოგაქირავების რეკორდი ვერ გააუმჯობესა, მაგრამ, სამაგიეროდ, საერთაშორისო მაჩვენებლით თავის ჟანრში პირველი ფილმი გახდა 239.7 მილიონი დოლარის მოგებით, თანაც მხოლოდ ორი დღის შედეგებით! მოკლედ, წარმოგიდგენთ “გრეის ორმოცდაათი ელფერის” მიერ მოხსნილ რეკორდთა სრულ სიას, რომელიც, სავარაუდოდ, ყოველდღიურად კიდევ უფრო გაიზრდება:

> ვალენტინობის ყველაზე მაღალშემოსავლიანი პრემიერა “ვალენტინობის” (56.3 მილიონი დოლარი) შემდეგ.
> ქალი რეჟისორის მეორე ყველაზე მაღალშემოსავლიანი სურათი. ამ მხრივ პირველ ადგილზე რჩება ლანა ვაჩკოვსკის “მატრიცა”.
> “გრეის ორმოცდაათი ელფერის” პრემიერა ერთდროულად შედგა რეკორდული რაოდენობის კინოთეატრებში. ის ერთდროულად 3646 ადგილას უჩვენეს. ამ მაჩვენებლით ფილმმა “ნაბახუსევის” მეორე ნაწილი (3615 კინოთეატრი) უკან ჩამოიტოვა.
> ე.ლ. ჯეიმსის წიგნის ეკრანიზაცია ერთი დღის მონაცემებით ყველაზე მაღალშემოსავლიანი სურათი გახდა ($36.7 მილიონი). მანამდე ერთი დღის მაჩვენებლით “ქრისტეს ვნებანი” ლიდერობდა ($33.1 მილიონი).
> “გრეის ორმოცდაათი ელფერი” თებერვლის ისტორიაში მეორე ყველაზე მაღალშემოსავლიანი ფილმია. პირველი პოზიციით “ქრისტეს ვნებანი” ლიდერობს.
> “გრეის ორმოცდაათ ელფერს” მეოთხე ყველაზე მაღალშემოსავლიანი პრემიერა ჰქონდა შეზღუდული ასაკის კატეგორიის ფილმებში (ამერიკის შეერთებული შტატების მასშტაბით). ამ მხრივ ლიდერი სამეულია “მატრიცა”, “ნაბახუსევი 2″ და “ქრისტეს ვნებანი”.
> ეს Universal-ის მეორე ყველაზე მაღალშემოსავლიანი დებიუტია 158 მილიონიანი მაჩვენებლით. ამ მხრივ რეკორდსმენი “ფორსაჟი 6″-ია 160.3 მილიონი დოლარით.
> “გრეის ორმოცდაათ ელფერს” შეზღუდული ასაკის მაყურებლების კატეგორიაში რეკორდული პრემიერა ჰქონდა (საერთაშორისო მასშტაბით). საერთაშორისო კინოგაქირავების მონაცემებით ფილმმა “მატრიცას” აჯობა.