გრეის ორმოცდაათ ელფერზე” 18 წლამდე მაყურებლები არ დაიშვებიან!

დიდ ბრიტანეთში სემ ტეილორ-ჯონსონის “გრეის ორმოცდაათ ელფერს” 18 წლამდე მაყურებლები ვერ ნახავენ. მათთვის კინოთეატრებში შესვლა აკრძალული იქნება! გადაწყვეტილება ბრიტანეთის კინოს ცენზორმა მიიღო და ახალი ეროტიკული ჟანრის ფილმი “+18″-ად შეაფასა მაშინ, როცა ამერიკის შეერთებულ შტატებში 17 წლამდე მსურველებს ახალი სურათის ნახვა ზრდასრულ თანმხლებთან ერთად შეეძლება. ნამუშევარში, რომელიც ე.ლ. ჯეიმსის ეროტიკული ჟანრის წიგნის ეკრანიზაციაა და 100 წუთს გრძელდება, სექსუალურ სცენებს 20 წუთი უკავია, თუმცა, შემქმნელები მას პორნო-ფილმად მაინც არ აღიარებენ და ამბობენ, რომ სურათი ამ სტატუსს ნაკლებად “იმსახურებს”. შეგახსენებთ, რომ “გრეის ორმოცდაათი ელფერი” ანასტასია სტილისა და ქრისტიან გრეის სასიყვარულო ურთიერთობაზე მოგვითხრობს. მათ პერსონაჟებს დაკოტა ჯონსონი და ჯეიმი დორნანი განასახიერებენ. ფილმის პრემიერა 14 თებერვალსაა დაგეგმილი.