ჯონი დეპი და ემბერ ჰერდი ქორწინდებიან!

ჯონი დეპი და ემბერ ჰერდი, როგორც იქნა, დაოჯახდებიან! მათი ქორწილი ზუსტად ერთ კვირაში, ბაჰამის ერთ-ერთ კუნძულზე გაიმართება. 51 წლის მსახიობი და მისი 28 წლის საცოლე ხელს ვიწრო წრეში მოაწერენ. ცერემონიას მხოლოდ ძალიან ახლობლები დაესწრებიან. 50-კაციან სიაში დეპის ყოფილი სიყვარული ვანესა პარადიც იქნება. წყვილმა “გაბედნიერების” თარიღად 7-8 თებერვალი შეარჩია. ეს ერთადერთი უიკენდია, როდესაც ორივეს სცალია. მომდევნო პერიოდში ორივე მათგანი ძალიან დაკავებული იქნება – ჯონი “კარიბის ზღვის მეკობრეების” გადაღებებს იწყებს, ემბერი კი ფილმის გადასაღებად ლონდონში მიემგზავრება. უკვე ცნობილია, რომ პატარძალი სტელა მაკარტნის კაბით შეიმოსება. შეგახსენებთ, რომ წყვილი ერთმანეთზე, ერთწლიანი რომანის შემდეგ, 2013 წელს დაინიშნა. ჯონი და ემბერი მსახიობის კუნძულზე ცხოვრობენ, რომელიც დეპმა 2004 წელს შეიძინა და რომელსაც ექვსი პლაჟი აქვს.