ტომ კრუზი დაგ ლაიმანისთვის ნარკოტიკებს გადაზიდავს!

დაგ ლაიმანის ფანტასტიკაში „მომავლის ზღვარი“ მონაწილეობს მიღების შემდეგ, ტომ კრუზს მასთან თანამშრომლობის გაგრძელება სურს. დუეტი დაინტერესდა Universal Pictures-ის დრამით “მენა“, რომლის სცენარიც გერი სპინელიმ დაწერა, ხოლო სტუდიამ მასზე უფლებები ერთი წლის წინ 1 მილიონ დოლარად მოიპოვა.Qg49a5F თუ ისინი მოლაპარაკებას შეძლებენ, კრუზი ითამაშებს ბარი სილის, რეალურად არსებული ამერიკელი პილოტის როლს. მან ფრენა 15 წლის ასაკში ისწავლა, ხოლო 16 წლის იყო, როცა თვითმფრინავის მართვის მოწმობა აიღო. 60-იან წლებში ბარი TWA-ს ყველაზე ახალგაზრდა პილოტი გახდა. სილი მას შემდეგ გააგდეს, რაც მაიამიდან მეხიკოში პლასტიკური ასაფეთქებლის გადატანას დასთანხმდა. აღმოჩნდა, რომ მყიდველი მოგზავნილი იყო და FBI-ში მუშაობდა. ამ გზით, ბარიმ სამსახური დაკარგა, რამაც ის ნარკობიზნესამდე მიიყვანა. 1976 წელს სილმა ნარკოტიკების არალეგალური გადაზიდვა დაიწყო. სამი წლის შემდეგ კი ჰონდურასში დააკავეს, რის გამოც 9 თვე ციხეში გაატარა. 1980 წელს მან სხვა პილოტი უილიამ როჯერ რივზი გაიცნო, რომელიც მის მსგავსად ნარკოტიკების გადაზიდვით იყო დაკავებული. მან სილს ძმები ოჩოაები გააცნო, რომლებიც მედელინის ნარკოკარტელს ხელმძღვანელობდნენ. სახელი „მენა“ შტატი არკანზასის ქალაქიდან მოდის. იქ ბარის თავისი მინი-აეროპორტი ჰქონდა. საბოლოოდ ცენტრალური სადაზვერვო სააგენტოს ნარკოკონტროლის დეპარტამენტმა სილი ინფორმაციის მისაღებად გამოიყენა, რაც კოლუმბიელ ნარკოდილერებს , რა თქმა უნდა, არ მოეწონათ.