“ტრანსფორმერების” მეხუთე ნაწილში მაიკლ ბეი და მარკ უოლბერგი ერთიანდებიან ?

მიუხედავად იმისა, რომ პრემიერამდე ინტერნეტსივრცეში “ტრანფორმერების” პირატულმა ვერსიამ გაჟონა და ამ ფაქტმა კინოთეატრებში წამსვლელთა რიცხვი შეამცირა, ფილმმა მაინც დიდი მოგება მიიღო. საერთაშორისო მონაცემებით, ამ კინოჰიტის მოგებამ ერთ მილიარდ დოლარს გადააჭარბა. ეს ფაქტი კი კიდევ ერთხელ ამყარებს ეჭვებს იმის თაობაზე, რომ წინ “ტრანსფორმერების” მეხუთე ნაწილი გველის. ეჭვები იმის შესახებაც არსებობს, რომ ახალი სურათის რეჟისორად მაიკლ ბეი დაბრუნდება. ყოველ შემთხვევაში, Paramount-ი ყველანაირად ეცდება, ეს უკანასკნელი დაიყოლიოს. მანამ კი, სანამ მაიკლი ამ ფაქტს დაადასტურებს, ცნობილი ხდება, რომ “ტრანსფორმერების” მეხუთე სურათში მარკ უოლბერგი ითამაშებს. ამის შესახებ მსახიობმა ერთ-ერთ ინტერვიუში ისაუბრა.